FĀRI’IRA’A

TE PERETITENI E RAVE RAHI MAU FA’ATEREHAU  TEREHI’O I PAPARA

Ua ‘āmui atu te Peretiteni Edouard Fritch, i teie iho nei po’ipo’i mahana pae, i piha’iiho i te Tomitera Teitei i Porinetia farani, o René Bidal, i roto i te ‘ōro’a fariira’a i te tima hi’opo’a Bougainville.

Ua tupu te ‘ōro’a ‘īritira’a i te 5 ra’a no te mau Ha’utira’a a te mau motu Matuita mā, i te avatea tapati ra, i ni’a i te tahu’a tū’aro no ‘Atu’ona i te motu no Hiva ‘Oa, i mua i te Fa’aterehau vahine ti’ā’au i te Feia ‘āpi e te mau Tū’aro, o Nicole Sanquer-Fareata, e tae noa’tu i te Fa’aterehau no te mau Patura’a rarahi, o Albert Solia e te mau Tavana ‘Ōire no Matuita ma.

Ua farii atu te Peretiteni Edouard Fritch, ma te ‘āua ha’a’atihia e ta’na ‘Āpo’ora’ahau, i te po’ipo’i mahana pae ra, i te Peretitenira’a, i te mau Tavana ‘Ōire no Porinetia farani, no te hō’ē mahana farereira’a e ‘aitauira’a mana’o, fa’atupuhia no te torura’a o te matahiti mutu ‘ore. Ua tae ato’ a mai i roto i taua farereira’a ra te Tomitera Teitei, René Bidal, te To’ofa vahine Lana Tetuanui, te Tepute vahine Maina Sage, e te Peretiteni no te ‘Āpo’ora’arahi no Porinetia farani, o Marcel Tuihani.

Ua titau manihini atu te Peretiteni Edouard Fritch, i te tahara’a no te mahana maha ra, i te mau Tavana ‘Ōire rau ato’a no Tuamotu-Ma’areva no te ‘aitau’aparau no ni’a i te tuha’a no te uru ha’ari.

Ua farii atu te Peretiteni Edouard Fritch, i te avatea mahana maha ra, i te Peretitenira’a, ia Sherry Wang vahine, o tei ‘āpe’ehia mai e Robert Wan. Te rave ra o Wang vahine i te ‘ōhipa i roto i te ao no te faufa’ a moni i Shanghai.

Ua ‘āmui atu te Peretiteni Edouard Fritch e te Fa’aterehau no te Ta’ere o Heremoana Maamaatuaiahutapu i te avatea mahana toru ra, i roto i te mau ‘Āua Tiare no te Farehau no Pira’e, i mua ato’a i te Tomitera Teitei, o René Bidal, i roto i te Ta’uruanui no titema a te Fare ‘Upa Rau no Porinetia farani. Te Fare ‘Upa Rau, o tei fa’ata’iruru mai piri i te 800 rahira’a piahi e e rave rahi mau naho’a ta’ata mata’ita’i.