Peretītenira’a

Ua ha’amata mai te Peretiteni Edouard Fritch i te tahi mau tere farerei i te mau ‘Ētaretia fa’aro’o no Porinetia farani no te fa’atae i te mau poro’i fa’atau aroha no teie ‘ōmuara’a matahiti ‘āpi.

 

Ua tere atu te Peretiteni e e rave rahi mau mero no te ‘Āpo’ora’ahau i te mahana pae ra, i te ahiahi, i te fare purera’a no Pā’ofa’i, i Pape’ete, no te horo’a i ta’na mau poro’i fa’atau aroha i to te ‘Ētaretia Porotetani Mā’ohi.

 

No taua fa’anahora’a ra, ua fa’atumu fa’ahou atu a te Peretiteni i ni’a i te faufa’a rahi o te mau Fa’aro’o i roto i te orara’a no te mahana tata’itahi o te mau Porinetia e no te hō’ēra’a tōtiare na roto i te mau tapura ‘ōhipa tumu e te faufa’a rahi i roto i te mau ‘utuafare fetii, i rotopu i te feia ‘āpi, e te mau faufa’a no te ‘ā’au haeha’a, no te ‘ite aura’ a e no te fa’aturara’a te tahi i te tahi.