Fa’aterera’ahau no te Ea

Ministère de la santé et des solidarités (MSS)

Ua haere atu te Peretiteni Edouard Fritch e te Tomitera Teitei, René Bidal, i te mahana piti ra, i te Pū Utuutura’a Ma’i no Porinetia farani (PUPF=CHPF), no te hō’ē tere hi’opo’a ti’apiti i roto i taua pū ra na te hau.

Ua ‘āmui atu te Peretiteni Edouard Fritch, ma te ‘āpitihia atu e te Tomitera Teitei, o René Bidal, e te ta’ato’ara’a no te mau Mero no te ‘Āpo’ora’ahau, e te Fa’aterehau ihoa ra no te ‘Ea, o Patrick Howell, i te po’ipo’i mahana toru ra, i roto i te ‘ōro’a no te tu’ura’a i te ‘Ōfa’i Tihi no te Poro ‘āpi no te ‘Ea Manava (PEM=PSM), i ni’a i te tahua ti’ara’a no te fare utuutura’a ma’i tahito a te nu’u fa’ehau “Jean Prince” i Ta’aone.

Ua fa’atere atu te Peretiteni Edouard Fritch, i Vaitupa, i roto i te ‘Ōire no Fa’a’a, i te ‘iritira’a i te 31 ra’a no te Ta’uruanui Rautea. E rave rahi mau mero no te ‘Āpo’ora’ahau, te tepute Jonas Tahuaitu, te Papa’i parau Rahi o te  Tomitera Teitei no te Repupirita i Porinetia farani, e te Mono-Tavana ‘Ōire matamua no Fa’a’a, o Parker, o tei ‘āmui ato’a atu.

Ua ‘āmui atu te Peretiteni Edouard Fritch, i te mahana toru ra, i te ‘ōmuara’a no te pae avatea, i roto i te ‘iritira’a i te ‘Āpo’ora’a Nui matamua roa a te mau Vahine-fa’afanau no Porinetia farani, o te tupu i ni’a e piti mahana, te 21 e te 22 no tetepa nei, i te Farehau no Pirae, e te reira, i mua ato’a i te aro o te Fa’aterehau no te ‘Ea, o Patrick Howell.

I muri a’e i tō’na ’āmuira’a’tu na i roto i te 10 ra’a no te ’Āpo’ora’anui a te mau Fa’atere no te mau Motu no Patitifa, o tei fa’atupuhia na e te Pū no Hitia’a To ’O’a o te Rā, e i roto i te ’Āpo’ora’a Teitei no te Moana Patitifa, fa’atupuhia na roto i te fa’anahora’a no te ’Āpo’ora’a Merohope a te UICN (’Āmuitahira’a no te Ao no te ’Atu’atura’a i te Natura=AAAN), i Hawaii, ua reva atu te Peretiteni no Porinetia farani, o Edouard Fritch, i roto i te Forum no te mau Motu no Patitifa o te tupu, i teie matahiti, i Pohnpei, i roto i te mau Hau-’Āmui no Mitoronetia.

Ua ‘avari atu te Peretiteni Edouard Fritch, ma te ‘āpe’ehia’tu e te Fa’aterehau no te ‘Ea, o Patrick Howell, i te avatea mahana toru ra, i Pira’e, i te Piha ‘Ihi ‘Ea Uira ‘Atomi a te Pū Utuutura’a Ma’i no Porinetia farani (PUPF=CHPF).