FĀRI’IRA’A

TE PERETITENI E RAVE RAHI MAU FA’ATEREHAU  TEREHI’O I PAPARA

Ua ‘āmui atu te Peretiteni Edouard Fritch e te Fa’aterehau no te Ta’ere o Heremoana Maamaatuaiahutapu i te avatea mahana toru ra, i roto i te mau ‘Āua Tiare no te Farehau no Pira’e, i mua ato’a i te Tomitera Teitei, o René Bidal, i roto i te Ta’uruanui no titema a te Fare ‘Upa Rau no Porinetia farani. Te Fare ‘Upa Rau, o tei fa’ata’iruru mai piri i te 800 rahira’a piahi e e rave rahi mau naho’a ta’ata mata’ita’i.

 

Fa’ata’ahia no te ha’afaufa’a i te mau rahu’ara’a tumu o te ha’apiihia ra i roto i taua pū fare ha’apiira’a ra, ua horo’a mai taua Ta’urua Nui ra i mua i te naho’a feia mata’ita’i i te faito e piti ‘ahuru mau tapura hoho’a o tei vauvauhia mai na e rave rau mau piha matahiti, mai te mau piahi na’ina’i no te faito e maha matahiti a tahi ra a ha’amata atu ai e tae atu i te mau piahi o tei ha’amata a’e na, e tae noa ato’a atu i te fa’a’ohipara’a i te ‘ite ‘aravihi o te feia pa’ari.

 

‘Ori Tahiti, ‘Orero, himene tumu, e te hō’ē pupu himene no e 250 rahira’a tamarii ‘āpi himene, te mau tari parau e te ‘ukelele o tei fa’ataparuru i taua ta’urua ra no te roara’a e piti hora, i ni’a i te parau tumu, no teie matahiti, te horo’ara’a i te mau ‘ite ‘aravihi i roto i te fare ha’apiira’a niuhia e Maco Tevane e o Jean Malric, to’na Fa’atere matamua roa, a 38 matahiti i teie nei.